14. maj 2002

UPA 2002/29

 

Atuarfik pillugu Inatsisartut peqqussutissaattut siunnersuummut

Naalakkersuisut allannguutissatut siunnersuutaannut

ALLANNGUUTISSATUT SIUNNERSUUT

Inatsisartut Kultureqarnermut Ilinniartitaanermullu Ataatsimiititaliaannit pingajussaaneerinermi saqqummiunneqartoq

 

 

§ 48, imm. 3-tut nutaatut Naalakkersuisut allannguutissatut siunnersuutaannut.

1. § 48, imm. 3-tut nutaatut ilanngunneqartoq ima oqaasertalerneqassaaq:
" Imm. 3. Immikkut atuartitsisarnerup tamarmiusup kommuninut nuunneqarnissaanut perorsaanikkut, aaqqissuussaanikkut aningaasatigullu tunngavissat pigineqalerpata § 14, imm. 1 aamma 2 Naalakkersuisut tamanna pillugu nalunaarusiornerisigut atortuulersinneqassapput. Taamaattorli § 14, imm. 1 aamma 2 siusinnerpaamik 1. januar 2004 atortuulersinneqarsinnaapput."

 

§ 49, imm. 3-tut nutaatut Naalakkersuisut allannguutissatut siunnersuutaannut.

2. § 49, imm. 3-tut nutaatut ilanngunneqartoq ima oqaasertalerneqassaaq:
" Imm. 3. Meeqqat atuarfiat pillugu Inatsisartut peqqussutaanni nr. 1, 6. juni 1997-imeersumi § 12, imm. 1-3 aamma § 36, imm. 1, nr. 1 Naalakkersuisut § 48, imm. 3 naapertorlugu § 14-imi, imm. 1-imik aamma 2 -mik atortuulersitsinissaat tikillugu atuutsiinnarneqarallassapput. Nalinginnaasumik immikkut atuartitsisarnermut aamma allamik immikkut perorsaanikkut ikiorsiisarnermut aningaasartuutit § 14-imi, imm. 1-ip aamma 2-p atortuulersinneqarnissaasa tungaannut kommunit aningaasartuutigisassaraat. Annertusisamik immikkut atuartitsisarnermut aamma allamik immikkut perorsaanikkut ikiorsiisarnermut aningaasartuutit § 14-imi, imm. 1-ip aamma 2-p atortuulersinneqarnissaasa tungaannut Namminersornerullutik Oqartussat aningaasartuutigisassaraat."

 

Nassuiaatit

Inatsisartut peqqussutaat atuuttoq naapertorlugu nalinginnaasumik immikkut atuartitsisarneq kommunalbestyrelsip isumagisassaraa, annertusisamilli immikkut atuartitsisarneq Naalakkersuisut isumagisassaralugu. Naalakkersuisut siunnersuutigaat immikkut atuartitsisarneq tamarmiusoq 1. januar 2004 aallarnerfigalugu kommuninut nuunneqassasoq.

Allannguutissatut siunnersuummut allannguutissatut siunnersuutip matuma kingunerissavaa perorsaanikkut, aaqqissuussaanikkut aningaasatigullu tunngavissat pigineqalerpata immikkut atuartitsisarnerup tamarmiusup kommuninut aatsaat nuunneqarsinnaanera.

Naatsorsuutigineqarpoq Inatsisartut Kultureqarnermut Ilinniartitaanermullu Ataatsimiititaliaannik isumasioqateqarluni ataatsimeeqateqareernikkut aammalu oqartussaasunik kattuffinnillu susassaqartunik, tassunga ilanngullugu KANUKOKA-mut, tusarniaareernikkut aaqqissuussinerup nutaap atortuulersinneqarnissaa pillugu Naalakkersuisut